पुनः एकपटक प्रधानमन्त्री हुने प्रचण्डको इच्छा
१४ साउन, काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले पुनः एकपटक प्रधानमन्त्री हुने इच्छा व्यक्त गरेका छन् ।
शनिबार नेकपा (माओवादी केन्द्र) सम्पर्क समन्वय प्रदेश समितिको कार्यक्रमलाई सम्बोधन गर्दै अध्यक्ष प्रचण्डले पुनः एकपटक देशको नेतृत्व गर्न चाहेको बताएका हुन् ।
उनले आफ्ना लागि आगामी निर्वाचनबाट देशको नेतृत्व गर्ने र यो नेतृत्व आफ्नो जीवनको अन्तिम र स्मरणयोग्य हुने विश्वास व्यक्त गरे ।
पूर्व प्रधानमन्त्रीसमेत रहेका अध्यक्ष प्रचण्डले आफ्ना लागि आगामी निर्वाचनमा पार्टीलाई पहिलो बनाउन र देशको विकास र समृद्धि कसरी हुन्छ भन्ने कुरा देखाउनु प्रमुख लक्ष्य रहेको बताए ।
उनले आफ्नो अन्तिम इनिङ पछिसम्म सम्झनेगरी देशका लागि काम गर्ने सपना बुनेको बताए । अध्यक्ष प्रचण्डले स्थानीय तहको निर्वाचनको अनुभवलाई समीक्षा गरेर प्रदेश र संघको निर्वाचनमा देशमा दोस्रो राजनीतिक शक्ति बन्ने दाबी गरे ।
प्रतिक्रिया दिनुहोस्