पशुपतिनगरमा ग्याँस बुलेटले मोटरसाइकललाई ठक्कर दिँदा चालकसहित दुईको मृत्यु
२८ जेठ, मकवानपुर । जिल्लाको हेटौंडा–९ पशुपतिनगरमा ग्याँस बुलेटले मोटरसाइकललाई ठक्कर दिँदा मोटरसाइकल चालकसहित दुईको मृत्यु भएको छ ।
जिल्ला प्रहरी कार्यालय मकवानपुरका अनुसार शनिबार साँझ विपरित दिशाबाट जाँदै गरेको मोटरसाइकल र हेटौंडातर्फ आउँदै गरेको बुलेट आपसमा ठोक्किँदा दुर्घटना भएको हो ।
उक्त दुर्घटनामा गम्भीर घाइते भएका दुवै जनाको उपचारको क्रममा हेटौंडा अस्पतालमा मृत्यु भएको प्रहरीले जनाएको छ ।
मृत्यु हुनेमा हेटौंडा–९ का ५५ वर्षीय ईश्वर तामाङ र २६ वर्षीया अमीना तामाङ रहेका छन् ।
प्रतिक्रिया दिनुहोस्