नेपाली खेलकुदको प्रतिष्ठित एनएसजेएफ पल्सर स्पोर्ट्स अवार्ड-२०८० का लागि पुरुष, महिला, युवा खेलाडी र प्रशिक्षक गरी चार विधाका मनोनयनहरू सार्वजनिक भएका छन्।

नेपाल खेलकुद पत्रकार मञ्च (एनएसजेएफ) ले सोमबार आयोजित पत्रकार सम्मेलनमार्फत २ १औं संस्करणको अवार्डका लागि मनोनयन घोषणा गरेको हो। हरेक विधामा उत्कृष्ट पाँच खेलाडी र प्रशिक्षकहरू छनोट भएका छन्।

पुरुष विधातर्फ क्रिकेटका दीपेन्द्रसिंह ऐरी, रोहित पौडेल, करातेका मोहम्मद सेखु आलम, फुटबलका अनन्त तामाङ र गल्फका सुवास तामाङ मनोनयनमा परेका छन्।

महिलातर्फ करातेकी एरिका गुरुङ, फुटबलकी साबित्रा भण्डारी, क्रिकेटकी रुबिना क्षेत्री, एथलेटिक्सकी सन्तोषी श्रेष्ठ र कबड्डीकी मेनुका राजवंशी छनोट भएका छन्।

यस वर्ष राष्ट्रिय तथा अन्तर्राष्ट्रिय प्रतियोगितामा खेलाडीहरूले देखाएको उत्कृष्ट प्रदर्शनका आधारमा मनोनयन गरिएको हो। महासचिव प्रज्वल ओलीको संयोजकत्वमा रहेको सात सदस्यीय छनोट समितिले खेलाडी र प्रशिक्षकको छनोट गरेको हो।

युवा खेलाडीको विधामा अर्जुन कुमाल (क्रिकेट), हेमन्तपाल (भारोत्तोलन), प्रीति राई (फुटबल), सुजन गडाल (टेबलटेनिस) र सुनिरा थापा (टेनिस) मनोनयनमा परेका छन्।