६५० पत्रकार कोरोना संक्रमित भएकोमा २५० जना सक्रिय संक्रमित

नेपाल पत्रकार महासंघले कोरोना संक्रमित पत्रकारको उपचारका लागि १० बेड क्षमताको आइसोलेन कक्ष तयार

२३ वैशाख, काठमाडौं । नेपाल पत्रकार महासंघले कोरोना संक्रमित पत्रकारको उपचारका लागि १० बेड क्षमताको आइसोलेन कक्ष तयार गरेको छ ।

कोरोना संक्रमित भई अस्पतालमा उपचार पाउन नसकेका पत्रकारका लागि महासंघले केन्द्रीय कार्यालयसँगै रहेको पत्रकार आवास गृहलाई आइसोलेसन कक्ष बनाएको हो ।

महासंघका महासचिव रोसन पुरीका अनुसार सबै १० बेडमा अक्सिजनको व्यवस्थासमेत हुनेछ । बिहीबारसम्म ५ बेड तयार रहेको र बाँकी ५ बेड शुक्रबार तयार हुने उनले जानकारी दिए ।

‘सबै काम लगभग सकिएको छ, अब भोलिदेखि स्वास्थ्यकर्मी पनि आउनुहुन्छ’ महासचिव पुरीले भने, ‘यहीँ अक्सिजनसहित उपचार हुन्छ, आइसोलेसनका लागि आवश्यक सबै व्यवस्थापन भएको छ ।’

हालसम्म देशभर ६५० पत्रकार कोरोना संक्रमित भएकोमा २५० जना सक्रिय संक्रमित रहेका छन् ।