१५ मंसिर, काठमाडौं । चालु आर्थिक वर्षका लागि ल्याएको मौद्रिक नीतिको समीषा भए यता लगातार घटिरहेको शेयर कारोबार मापक नेप्से परिसूचकमा बुधबार सुधारको संकेत देखिएको छ ।

नेप्से परिसूचक ५ दशमलव २८ अंकले बढेर २ हजार ६ सय ३३ दशमलव ६५ अंकमा पुगेको छ । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि झिनो अंकले सुधारियो ।

नेप्से परिसूचक बढे पनि कारोबार रकम भने ३ अर्ब पनि पुग्न सकेन । कुनै बेला एकै दिन २१ अर्बको कारोबार भएको शेयर बजारमा बुधबार २ अर्ब ८४ करोड रुपैयाँको मात्रै शेयर किनबेच भयो ।