२२ माघ, सउल ।  दक्षिण कोरियामा कोरोना भाइरसबाट एकैदिनमा अहिलेसम्मकै सबैभन्दा धेरै संक्रमित भएका छन्।

 कोरोना भाइरसको नयाँ भेरियन्टका रुपमा देखिएको ओमिक्रोनको संक्रमण फैलिन थालेकाले संक्रमितहरूको संख्या धेरै भएको अधिकारीहरूले जनाएका छन्। 

स्वास्थ्य अधिकारीहरूले दिएको जानकारी अनुसार पछिल्लो २४ घण्टामा दक्षिण कोरियामा ३६ हजार ३६२ जना नयाँ सक्रमित भएका छन्। अघिल्लो दिन २७ हजार ४४३ जना नयाँ संक्रमित थपिएका थिए। 

नयाँ संक्रमित मध्ये आठ हजार ५६४ जना राजधानी सोलका मात्रै रहेका छन्। सोही अवधिमा २२ जनाको मृत्यु भएको छ।

यससँगै दक्षिण कोरियामा कोरोना भाइरसका कारण मृत्यु भएकाहरूको कुल संख्या छ हजार ८५८ रहेको छ। सिन्ह्वा