ट्रकमा स्कुटर ठोक्किँदा दुईजनाको मृत्यु
८ पुस, काठमाडौं । रोकिराखेको ट्रकमा स्कुटर ठोक्किँदा स्कुटरमा रहेका दुईजनाको मृत्यु भएको छ।
कास्कीस्थित अन्नपूर्ण गाउँपालिका – १ नौडाँडा बस्ने ३० वर्षीय कृष्ण सुवेदी र सोही ठाउँमा २८ वर्षीय सुनील केसीको मृत्यु भएको गण्डकी प्रदेश प्रहरी कार्यालय पोखराका प्रहरी उपरीक्षक अरुण पौडेलले जानकारी दिए।
अन्नपूर्ण – २ ढिकुरपोखरीस्थित नौंडाँडाबाट काँडेतर्फ जाँदै गरेको ग २१ प ४४६० नम्बरको स्कुटर बुधबार राति पोखरा–बागलुङ सडक खण्डमा रोकिराखेको ना ७ ख ९१२४ नम्बरको ट्रकमा ठोक्किएर दुर्घटना भएको पौडेलले बताए ।
दुर्घटनामा घाइते भएका सुवेदी र केसीको उपचारको क्रममा पश्चिमाञ्चल क्षेत्रीय अस्पताल पोखरामा बिहीबार मृत्यु भएको हो ।
प्रहरीले घटनाको विषयमा थप अनुसन्धान भइरहेको बताएको छ ।
प्रतिक्रिया दिनुहोस्