जोहानेबर्गस्थित एक बारमा अन्धाधुन्ध गोली प्रहार हुँदा १४ जनाको मृत्यु, ९ जना गम्भीर घाइते
२६ असार, जोहानेबर्ग । दक्षिण अफ्रिकाको जोहानेबर्गस्थित एक बारमा अन्धाधुन्ध गोली प्रहार हुँदा कम्तीमा १४ जनाको मृत्यु भएको छ ।
सोवेतोस्थित बारमा बन्दुकदारी प्रवेश गरेर आक्रमण सुरु गरेका थिए । युवाहरूलाई लक्षित गर्दै गोली प्रहार भएको स्थानीय प्रहरी अधिकारीलाई उद्धृत गर्दै बिबिसीले जनाएको छ ।
आक्रमणको कारणबारे अझै पत्ता लाग्न सकेको छैन । गोली लागेर ९ जना गम्भीर घाइते भएका छन् ।
पीडितहरू अधिकांश १९ देखि ३५ वर्ष उमेर समूहका छन् । दक्षिण अफ्रिकाकै क्वाजुलु-नाटाल प्रान्तमा पनि बारमा अन्धाधुन्ध गोली प्रहार हुँदा ४ जनाको मृत्यु भएको छ ।
दक्षिण अफ्रिकामा गोली प्रहारका घटनाहरू निकै कम मात्रामा हुने गरेकाले यसलाई संवेदनशील रूपमा स्थानीय सुरक्षा अधिकारीहरूले हेरेका छन् ।
प्रतिक्रिया दिनुहोस्