जीप दुर्घटना, ५ जना घाइते
६ मंसिर, जोमसोम । मुस्ताङको थासाङ गाउँपालिका-१ भन्सिङस्थित बेनि जोमसोम सडकखण्डमा जीप दुर्घटना हुँदा ५ जना घाइते भएका छन्।
सोमबार बिहान जोमसोमबाट बेनितर्फ जाँदै गरेको ग १ ज ७७०३ नम्बरको जीप सडकबाट २० मिटर तल खसेको प्रहरीले जनाएको छ।
दुर्घटनामा चालक मिलन बि.क., कल्पना श्रेष्ठ, मैया थापा, बाबुराम थापा र अनिषा थापा घाइते भएका छन्।
घाइतेलाई उद्दार गरी उपचारको लागि जिल्ला अस्पताल जोमसोमतर्फ पठाएको प्रहरीले जनाएको छ।
प्रतिक्रिया दिनुहोस्