मेवालाल यादव 

, रौतहट

जनमत पार्टीले रौतहट जिल्लाको मध्यभाग गरुडामा नयाँ कार्यालय सञ्चालनमा ल्याएको छ । जनमत पार्टीका राष्ट्रिय अध्यक्ष एवम् सांसद डा. सिके राउतले विशेष कार्यक्रमको आयोजना गरी उक्त कार्यालयको उद्घाटन गरेका हुन् । कार्यक्रममा जनमत पार्टीका विभिन्न नेताहरू, कार्यकर्ता, र स्थानीय बासिन्दाहरूको उल्लेखनीय उपस्थिति थियो ।

अध्यक्ष राउतले उद्घाटन समारोहमा सम्बोधन गर्दै पार्टीको उद्देश्य, आगामी योजनाहरू, र स्थानीय जनताको समस्याहरूको समाधानका लागि कार्यालयले खेल्ने भूमिकाबारे प्रकाश पारेका थिए । उनले जनमत पार्टीले सधैं जनताको पक्षमा काम गर्ने प्रतिबद्धता व्यक्त गरेका थिए । डा. राउतले कार्यालय उद्घाटनको क्रममा जनमत पार्टीले जनताको हकहित र सुशासनका लागि कटिबद्ध रहेको बताउँदै पार्टीको आगामी योजनाबारे जानकारी दिए । उनले जनमत पार्टीलाई देशभरि फैलाउने र सबै क्षेत्रका जनताको आवाज उठाउने प्रतिबद्धता व्यक्त गरेका थिए ।

त्यसतै सोही कार्यक्रममा गरुडा-७ भिमडावरका वडाअध्यक्ष प्रत्याशी युवा नेता रामलाल यादवले पार्टी कार्यालयको स्थापना संगै अब क्षेत्रीय विकास र सुशासनको बाटोमा अघि बढ्न मद्दत पुग्ने विश्वास व्यक्त गरेका थिए । उनले गरुडा क्षेत्रमा सुशासन कायम राख्न र जनताको हकहितको संरक्षण गर्न नयाँ कार्यालय महत्वपूर्ण भूमिका निर्वाह गर्ने बताए । यादवले जनमत पार्टीको नेतृत्वमा स्थानीय स्तरमा विकासका कार्यहरूलाई तीव्रता दिने र जनताका आवश्यकताहरूलाई सम्बोधन गर्ने प्रतिबद्धता पनि व्यक्त गरेका थिए । गरुडा नगरपालिकाको नगर अध्यक्ष नथुनि मुखियाले कार्यक्रममा  आफ्ना विचार राख्दै जनमत पार्टीको यो कदमले गरुडा क्षेत्रमा नयाँ ऊर्जा थपिने र जनताको सेवा गर्न सहजता हुने धारणा व्यक्त गरेका थिए । पार्टीका स्थानीय नेता तथा कार्यकर्ताहरूले उत्साहपूर्वक कार्यालय उद्घाटन समारोहमा सहभागिता जनाएका थिए । कार्यालय उद्घाटनपछि स्थानीय जनतामा उत्साह देखिएको र पार्टीप्रति आस्था बढेको बताइएको छ । यो नयाँ कार्यालयले पार्टीका विभिन्न गतिविधिहरूको समन्वय गर्न, जनताको समस्या समाधान गर्न, र स्थानीय स्तरमा पार्टीको उपस्थितिलाई बलियो बनाउन महत्त्वपूर्ण भूमिका खेल्ने अपेक्षा गरिएको छ।