२७ फागुन, काठमाडौं । इंग्लिस प्रिमियर लिग क्लब चेल्सीका मालिक रोमन आब्रामोविचलाई बेलायत सरकारले भ्रमण प्रतिबन्ध लगाएको छ ।

रुसी नागरिक उनले चेल्सी फुटबल क्लब बेच्न नपाउने गरी प्रतिबन्ध लगाएको हो । बेलायत सरकारले उनका व्यवसाय तथा उनी माथि नै पनि यात्रा प्रतिबन्ध लगाएको छ ।

रुस-युक्रेन विवादले युद्दकाे रुप लिँदा रुसी राष्ट्रपति भ्लादिमिर पुटिनकाे पक्षमा खुलेका उनलाई बेलायत सरकारले निशाना बनाएकाे छ ।

बेलायती सासंदमा प्रतिबन्धकाे विषयले प्रवेश पाएपछि उनले चेल्सी बेच्ने घोषणा गरेका थिए ।

उनीमाथि लागेको प्रतिबन्धसँगै चेल्सीले अबका खेलका लागि कुनै पनि टिकट बेच्न नपाउने भएको छ । प्रतिबन्ध अगाडि किनिएका टिकटबाट भने समर्थकले खेल हेर्न पाउनेछन् ।

क्लबले खेलाडी तथा प्रशिक्षणमा सामेल रहेका अफिसियललाई तलबसहितका सुविधा भने दिन पाउने अन्तर्राष्ट्रिय सञ्चार माध्यमहरुले जनाएका छन् ।