२० कार्तिक, दाङ : दाङमा श्रीमानले श्रीमतीको हत्या गरेका छन् । गढवा गाउँपालिका–७ परिचोक घर भएका ६३ बर्षिय श्रीमान डनबहादुर थापाले ५० बर्षिया श्रीमती सुनिता रोकाको हत्या गरेको जिल्ला प्रहरी कार्यालय दाङले जनाएको छ ।

घरायसी विवादमा श्रीमानले श्रीमतीको टाउँकोमा बञ्चरोको विडले हिर्काएर हत्या गरेको प्रारम्भिक अनुसन्धानबाट खुल्न आएको ईलाका प्रहरी कार्यालय गढवाका प्रहरी निरिक्षक राजकुमार भट्टले जानकारी दिनुभयो ।

आज विहान ४ तिर श्रीमतीको हत्या गरेको श्रीमान डनबहादुरले स्विकार गरेको प्रहरीले जनाएको छ । हत्या गरेर भागेका डनबहादुरलाई मतपुरबाट प्रहरीले नियन्त्रणमा लिएको हो ।

डनबहादुरले जेठी श्रीमतीको निधन भएपछी कान्छी श्रीमतीको रुपमा सुनिता संग विवाह गरेको बताइएको छ । घटनाको अनुसन्धान भैरहेको दाङ प्रहरीले जनाएको छ ।