काभा बिच भलिबल च्याम्पियनसिप महिलातर्फ नेपाल विजयी
काठमाडौँ, १८ साउन: भुटानमा जारी काभा बिच भलिबल च्याम्पियनसिपमा नेपाली महिला टोलीले विजयी सुरुआत गरेको छ ।
थिम्पुस्थित चाङ्लिमिथाङ राष्ट्रिय रंगशालामा बिहीबार नेपालले उज्वेकिस्तानविरुद्ध २-० को सोझो सेटमा जित निकाल्यो । कमला पुन र मनिषा चौधरीको जोडीले खेल २१-१७, २१-१५ ले आफ्नो पक्षमा पार्यो ।
पुरुषतर्फ भने नेपाली टोली माल्दिभ्ससँग २-० को सोझो सेटमा पराजित भयो । मानबहादुर श्रेष्ठ र दिलबहादुर सुनारको जोडीले खेल १६-२१, १५-२१ ले गुमायो ।
प्रतिक्रिया दिनुहोस्