५ फागुन, काठमाडौं । सहिद स्मारक ‘ए’ डिभिजन लिगको उपाधि मच्छिन्द्र फुटबल क्लबले उचालेको छ ।

त्रिपुरेश्वरस्थित दशरथ रंगशालामा बुधबार दिउँसो भएको खेलमा सातदोबाटोलाई १–० गोल अन्तरले पराजित गर्दै मच्छिन्द्रले दुई खेल अगावै उपाधि जितेको हो।

मछिन्द्रका लागि विदेशी खेलाडी नुर्लान नोभ्रोजुभले निर्णायक गोल गरे । साविक विजेतासमेत रहेको मच्छिन्द्रको जितसँगै २९ अंक भएको छ । दोस्रो स्थानमा रहेको मनाङ मर्स्याङ्दीको भने २० अंक छ ।

जितसँगै मछिन्द्र ११ खेलमा अपराजित रहँदै २९अंक जाेडेकाे छ । दाेस्राे स्थानकाे मनाङले बाँकी तीन खेल जितेर अंक बराबरी गरेपनि हेड टु हेडका आधारमा मछिन्द्र नै च्याम्पियन बन्नेछ ।