१२ पुस, एजेन्सी । इंग्लिस प्रिमियर लिगमा टोटेनहम हटस्परले सानदार जित निकालेको छ । गएराति भएको खेलमा टोटेनहमले क्रिस्टल प्यालेसलाई ३-० गोल अन्तरले पराजित गरेको हो ।

टोटेनहमलाई सानदार जित दिलाउनको लागि मिडफिल्डर लुकास मोउराले एक गोल र दुई असिस्ट गरे । त्यस्तै ह्यारी केन र ह्युङ मिन सनले समान एक-एक गोल गरे ।

खेलको २३औं मिनेटमा केनले गोल गर्दै टोटेनहमलाई अग्रता दिलाएका थिए । उनले मोउराको पासमा गोल गरेका थिए ।

३४औं मिनेटमा मोउराले गोले गर्दै टोटेनहमको अग्रता दोब्बर बनाए । ७४औं मिनेटमा सनले गोल गर्दै टोटेनहमलाई सानदार जित दिलाए । उनले माउराको पासमा गोल गरेका थिए ।

यो जितसँगै टोटेनहम १६ खेलबाट २९ अंक जोडेर पाँचै स्थानमा उक्लिएको छ । पराजित प्यालेस २० अंकसहित १२औं स्थानमा रहेको छ ।