अधिवक्ता स्वागत नेपालले नेतृत्व गरेको उन्नत लोकतन्त्र पार्टीले एमसीसी विरोधी अभियानलाई व्यापक रुपमा तिब्रता दिँदै लगेको छ । एमसीसीले अधिग्रहण गरेको जग्गानै कब्जा गरिसके पछि भने एमसीसीका मान्छे नराम्रो सँग रन्थनिएका छन् ।

मौसम अनुसार विरोध गर्नेहरु धेरै निस्कीए पनि एमसीसीको निरन्तर विरोध गर्ने र खबरदारी गर्ने काम स्वागत नेपालले नेतृत्व गरेको पार्टीले मात्रै गरिरहेको छ ।अब केहि गरि पनि स्वागत नेपालसँग नसकिने भयो भनेर एससीसीले टेलिभिजनहरुमा विज्ञापन समेत बजाउँन थालेको छ ।

एमसीसी नेपाल हितको लागी हो भन्ने भम्र छर्दै बनाइएको विज्ञापन आफुलाई मूलधारको मिडिया भन्दै गर्धन फुलाउँनेहरुले निर्धक्क बजाइरहेका छन् । एमसीसी बारे भ्रामक विज्ञापन टेलिभिजनहरुमा बज्न थाले पछि जनस्तरबाट भने व्यापक विरोध भइरहेको छ ।

आइतबार दिउँसोदेखि केही टेलिभिजन सञ्चार माध्यममा एमसीसीको पक्षमा विज्ञापन बज्न थालेको कुरा एकाएक चर्चित भयो । तर सो विज्ञापनभन्दा पहिले नै उन्नत लोकतन्त्र पार्टी ९एडिपि० र स्वतन्त्र राष्ट्रिय अभियान नेपालले रेडियो विज्ञापन मार्फत एमसीसीका सबै संरचनाहरु ध्वस्त गर्न जनतालाई आह्वान गर्दै रेडियो विज्ञापन बजाउन थालेकोले एमसीसीले सो विज्ञापन पहिल्यै तयार भएर केही समयपछि बजाउने योजना भए पनि तत्कालै बजाउन थालेको खुलेको छ ।

उक्त उन्नत लोकतन्त्र पार्टी (एडिपि) र स्वतन्त्र राष्ट्रिय अभियान नेपालले एमसीसीका लागि एमसीए नेपालले जमीन अधिग्रहण गरी विभिन्न संरचना निर्माण तयारी गरेकोमा ती संरचन ध्वस्त गर्न आह्वान गर्दै विज्ञापन केही दिन अघिदेखि नै बजाउँदै आएको छ ।

सो क्रममा सबैभन्दा बढी नुवाकोट जिल्लाको बेलकोटगढी वडा नं। ७ स्थित रातमाटेको अधिग्रहण गरेको जमीन एडिपि र स्वतन्त्र राष्ट्रिय अभियानले जनताका लागि नियन्त्रणमा लिई संरचना निर्माण गरे ध्वस्त गर्ने भन्दै उक्त विज्ञापन नुवाकोटकै एम एम रेडियो चिम्टेश्वरीमा बजाउँदै आएको छ ।

एडिपि अध्यक्ष स्वागत नेपालले उक्त स्थानमा ५०१ सदस्यीय प्रतिकार समिति गठन गरी क्याम्प नै खडा गरेर त्यहाँ कुनै पनि निर्माण गरिए संरचना ध्वस्त गर्न प्रशिक्षण दिन शुरु गरिएको बताए र सो प्रशिक्षणमा तथा प्रतिकार आन्दोलनमा सहभागी हुन विज्ञापनबाट जनतालाई आह्वान गरिएको बताए ।

त्यसै गरी सो एफ एमका स्टेशन म्यानेजर रामहरि न्यौपानेले सो विज्ञापन आफूहरुले पनि नैतिक रुपमा समेत जनता र देशप्रतिको जिम्मेवारी पूरा गर्न पनि बजाएको बताए ।

यसै वीच उन्नत लोकतन्त्र पार्टीले एमसीसीको पक्षमा विज्ञापन बजाउने टेलिभिजनहरुलाई तत्काल विज्ञापन रोक्नको लागि चेतावनी दिएको छ। र, आम जनसमुदायलाई पनि एमसीसीको पक्षमा विज्ञापन बजाउने सञ्चार माध्यमलाई बहिष्कार गर्न पनि आह्वान गरेको छ।

सो पार्टीले जारी गरेको विज्ञप्ती यस्तो छ ।

एमसीसीको विज्ञापन तत्काल रोक्न चेतावनी

नेपाली छोरीचेलीलाई अमेरिकी सरकार र एमसीसीका कर्मचारीले बलात्कार र हत्या गरे वा बेरोजगार युवालाई बैदेशिक रोजगारीमा अमेरिकाको भिसा मिलाइदिन्छु भनेर ठगे पनि कुनै अदालत र न्यायाधिकरणमा मुद्दा नलाग्ने र नेपाललाई इण्डियाको सम्मतिमा कार्य गर्न आत्मसमर्पण गराउने प्रावधान सहितको इण्डोप्यासिफिक रणनीतिको सैन्य कार्यक्रम एमसीसी परियोजना नेपालीका लागि शेयर कारोबारभन्दा फलदायी हो भन्ने भ्रामक देशघाती विज्ञापन केही सञ्चार माध्यमले प्रचार गर्न थालेकोमा हाम्रो गम्भीर ध्यानाकर्षण भएको छ ।

देशव्यापी रुपमा एमसीसीका संरचना ध्वस्त बनाउन प्रतिकार समिति गठन गरी क्रियाशील रहेको अवस्थामा जनताले एमसीसीलाई सहयोग गर्ने कुनै पनि व्यक्ति वा संस्थालाई भौतिक व्यवधान खडा गरी संविधानमा इतिहासमै पहिलो पटक नागरिकको हक मात्र होइन कर्तव्य पनि निर्वाह गर्नु पर्ने व्यवस्था गरेकोमा सो कर्तव्य पूरा गरी राष्ट्रिय स्वाधीनता बचाउने प्रतिकारात्मक आन्दोलनका क्रममा हुन सक्ने क्षतिप्रति सचेत रहँदै उक्त विज्ञापन तत्काल रोक्न गम्भीर रुपमा सचेत गराउँछौं ।

अन्यथा त्यस्ता सञ्चार माध्यमलाई आमा बेचेर पैसा अशुल्ने कपुतको रुपमा लिई जुनसुकै निर्णय लिन तयार हुने स्थिति नआओस् हामी चाहन्छौं । तत्काल ती विज्ञापन नरोके त्यस्ता सञ्चार माध्यमलाई बहिष्कार गर्न पनि हामी जनता जनार्दनमा आह्वान गर्दछौं ।

स्वागत नेपाल अध्यक्ष
यस पूर्वदेखि नै उन्नत लोकतन्त्र पार्टी (एडिपि) र स्वतन्त्र राष्ट्रिय अभियान नेपालले एमसीसीका लागि एमसीएले अधिग्रहण गरेको जमीन जनताको नियन्त्रणमा लिई ती स्थानहरुमा एमसीसीले कुनै संरचना निर्माण गरेमा ध्वस्त गर्न क्याम्प खडा गरी युवाहरुलाई प्रशिक्षण दिने कार्य गरिरहेको छ । सोही प्रशिक्षणमा सहभागी हुन सो विज्ञापनमा युवाहरुलाई आह्वान गरिएको छ ।

सो सन्दर्भमा एमसीए नेपालले विज्ञप्ति जारी गरी जग्गा अधिग्रहण एमसीसीले नभई एमसीएले गरेको तथा एमसीसी र एमसीएले गर्न लागेको काम फरक फरक हो भनी भ्रामक विज्ञापन गरेको थियो । सो विरुद्ध समेत उन्नत लोकतन्त्र पार्टी (एडिपि) र स्वतन्त्र राष्ट्रिय अभियान नेपालले पत्रकार सम्मेलनमार्फत एमसीसी सम्झौतामा नै र नेपाल सरकारले गठन आदेश मार्फत ल्याएको एमसीए नेपालले नै एमसीसी कार्यान्वयन गर्ने भन्ने उल्लेख गरेको कारण एमसीएले जनतालाई झुक्याएको भनेर प्रतिवाद गरेको थियो ।