समाचार सारांश

• रसुवाको गोसाइँकुण्डमा नुहाउने क्रममा डुबेर बेपत्ता भएका दुई युवाको शव भेटियो।
• मृतकको पहिचान मोरङका मनोज न्यौपाने र विराटनगरका सुजन ढकालको रूपमा भएको छ।
• शव पोस्टमार्टमका लागि अस्पताल पठाउने तयारी भइरहेको छ, र आफन्तले हेलिकप्टरमार्फत काठमाडौं लैजाने तयारी गर्दैछन्।

काठमाडौँ । रसुवाको गोसाइँकुण्डमा डुबेका दुई जना युवाको शव भेटिएको छ । स्थानीय र नेपाली सेनाको सहयोगमा कुण्डबाट शव निकालिएको रसुवाका डीएसपी हेम शाहीले रातोपाटीलाई बताए ।

आइतबार स्नान गर्ने क्रममा मोरङ बेलबारी घर भएका २८ वर्षीय मनोज न्यौपाने र विराटनगर महानगरपालिका–३ ढाटका २६ वर्षीय सुजन ढकाल डुबेर बेपत्ता भएका थिए । उनीहरूको खोजीमा सशस्त्र प्रहरी, सेना र नेपाल प्रहरीका सुरक्षाकर्मीहरू खटिएका थिए । सोमबार बिहान दुवै जना मृत भेटिएको डीएसपी शाहीले जानकारी दिए ।

शव पोस्टमार्टमका लागि अस्पताल पठाउने तयारी भइरहेको डीएसी शाहीले बताए । मृतकका आफन्तहरूले सिम्रिक एयरको हेलिकप्टरमार्फत शव गोसाइँकुण्डबाट काठमाडौँ ल्याउने तयारी गरिरहेको बताइएको छ ।

#गोसाइँकुण्ड #दुर्घटना #शव भेटियो