“कोशी प्रदेश” नामाकरण भएकोमा आदिबासी-जनजाति समुदायले बिराटनगरमा बिरोध प्रदर्शन गरेका छन्। प्रदेशका मुख्य मंत्रीले वक्तव्य प्रसारित गर्दै ‘कोशी नामाकरणमा पुनर्विचार हुन ’नसक्ने जानकारी गराउनु भएको छ l

संघीय सरकारका पक्षहरू र संघीय संसदका दलहरू सबै यस सवालमा निरपेक्षित रहेका छन्। प्रदेश सभामा यस बारे मतदान हुदाँ काँग्रेस-एमाले र माओवादीको सहकार्य थियो।

प्रदेश १ का बहुसंख्यक खस आर्य समुदाय ‘कोशी’ नामको पक्षमा छन्। झापा, मोरंग, सुनसरी र उदयपुरका उल्लेखनीय मधेसी समुदायले पनि कोशी नामका बारेमा खासै आपत्ति व्यक्त गरेको देखिन्न्। यस क्षेत्रका थारू समुदाय पनि कोशी नामको बिरूद्धमा छैनन्। कोशीको पक्षमा रहेको ध्रुबिकृत जनमत बलियो नै देखिन्छ।