जसपाबाट पाँच जना नेता मन्त्री बन्ने
काठमाडौं। जनता समाजवादी पार्टी महन्थ ठाकुर समूहका पाँच जना नेता आजै मन्त्री बन्दैछन् ।
प्रधानमन्त्री केपी शर्मा ओली र अध्यक्ष ठाकुरबीच भएको सहमतिअनुसार जसपाबाट पाँच जना नेता मन्त्री बन्ने भएका हुन् ।
उनीहरुलाई पांच मन्त्रालयसहित आजै साँझ ५ बजे शपथ खुवाउने तयारी भएको स्रोतले जानकारी दियो ।
जसपाबाट राजेन्द्र महतोले उपप्रधानमन्त्रीसहित उद्योग मन्त्रालय, उर्जा मन्त्रालयमा शरतसिंह भण्डारी, अनिलकुमार झा शहरी विकास मन्त्रालय, विमल श्रीवास्तव खानेपानी र उमाशंकर अरगरियाले युवा तथा खेलकुद मन्त्रालय पाउने टुंगो लागेको हो ।
श्रीवास्तव र अरगरियाले लो प्रोफायलको मन्त्रालयमा नजाने अडान राखेका छन् ।
प्रतिक्रिया दिनुहोस्