साफ यू–१६ च्याम्पियनसिप फुटबलमा बंगलादेशले भुटानलाई हराएको छ । 

एन्फा कम्प्लेक्स सातदोबाटोमा शुक्रबार लिग चरणको अन्तिम खेलमा बंगलादेशले भुटानलाई ६–० ले हराएको हो । 

समूह चरणका सबै खेलमा जित निकाल्ने क्रममा बंगलादेशले भुटानलाई हराएको हो । 

बंगलादेशको जितमा सौरभी प्रितिले २ गोल गरिन् । अन्य खेलाडी फतिमा अख्तर, क्रानुचिन्ग मर्म, साथी मुन्डा र थुइनुये मर्मले समान एक एक गोल गरे । 

बंगलादेशले अब फाइनलमा उपाधिका लागि भारतसँग प्रतिस्पर्धा गर्नेछ । बंगलादेश प्रतियोगिताको साविक विजेता समेत हो ।

समूह चरणका तीन खेलमा सतप्रतिशत जित निकाल्दै बंगलादेशले ९ अंक जोड्यो । भारत दुई खेलमा जित निकाल्दै ६ अंक जोडेर दोस्रो स्थानमा रह्यो । 

समूह चरणमा नेपालले तीन अंक जोड्यो । भुटान अंक विहीन रह्यो । लिग चरणका शीर्ष दुई टिमले फाइनल खेल्ने तालिका रहेको छ । सोही अनुसार सोमबार बंगलादेश र भारत भिड्नेछन् ।