आर्थिक हिनामिना र गैर जिम्मेवारी काम गरेको भन्दै क्याम्पस प्रमुख साहको राजीनामा माग
शिवदयाल यादव
सिरहाको रा.रा.ता.ज.ब. क्याम्पस गोलबजार प्रमुखको राजीनामा माग गरेका छन ।
आर्थिक हिनामिना र गैर जिम्मेवारी काम गरेको भन्दै सम्पूर्ण प्राध्यापकले प्रमुख किसोर साहको राजीनामा दिनको लागि निवेदन दिएका छन् ।
उनीहरुले क्याम्पस प्रमुखको अवधि समाप्त भए पनि अर्को कार्यकालको लागि एक वर्ष समाप्त भए पनि अर्को कदम नचाली अभिभावक्त्व विहीन बनाएको आरोप लगाएका छन् । क्याम्पस प्रमुख साहको क्रियाकलापले गर्दा क्याम्पसको साख घट्दै गइरहेको पनि उनीहरुले आरोप लगाएका छन् ।
कार्यरत प्राध्यापकहरुप्रति नकारात्मक ढङ्गले प्रस्तुत हुनु,सहायक क्याम्पस प्रमुखहरूलाई दिएको जिम्मेवारी प्रति बेवास्ता गर्नु जस्ता माग राखी राजीनामा माग गरेका हुन ।
क्याम्पस प्रमुख साहले विद्यार्थीबाट उठ्ने शुल्क क्याम्पसको खातामा राख्नुपर्ने रकम व्यक्तिगत खातामा राखी आर्थिक हिनामिना गरेको उनीहरुले आरोप लगाएका छन ।
यस सन्दर्भमा प्रमुख साहले आफ्नो बचाउ गर्दै,म माथि लगाइएका आरोपहरू निराधार रहेको भनेका छन् ।
प्रतिक्रिया दिनुहोस्