५ माघ, चितवन । पूर्वी माडीको प्याउली गाउँमा जंगली हात्तीले ५ वटा घर भत्काएको छ । माडी-कै कुसुमखोला हुँदै प्याउली गाउँमा छिरेको जंगली हात्तीले बुधबार राती करीब ९ बजेको समयमा स्थानीय बासिन्दाहरू श्याम बहादुर तामाङ्ग, दिल बहादुर थिङ, जगत प्रजा, सोम भुजेल र धन प्रसाद तामाङको घर भत्काएको हो ।

मानवीय क्षति नभए पनि हात्तीले घरभित्रको अन्नपात, लत्ता कपडा नोक्सान पारिदिएको वडा अध्यक्ष घनश्याम दवाडीले जानकारी दिनुभयो । पछिल्लो समय जंगली हात्तीको आतंकबाट स्थानिय बासीहरुले सन्त्रास भोग्दै आएका छन् ।