जिपसँग ठोक्किँदा मोटरसाइकल चालकको मृत्यु
८ असोज, काठमाडौं । कपिलवस्तु । शिवराज नगरपालिका–१ मा आज शनिबार बिहान पिकअप बलेरो जिप र मोटरसाइकल एक आपसमा ठोक्किँदा एक जनाको मृत्यु भएको छ ।
मृत्यु हुनेमा मोटरसाइकल चालक अन्दाजी ४५ वर्षीय चन्द्रमणी ज्ञवाली रहेको वडा प्रहरी कार्यालय चन्द्रौटाले जनाएको छ ।
पश्चिमबाट पूर्व तर्फ गइरहेको बा. प्र. ०१–०२५ च ९२४४ नम्बरको जिप र विपरित दिशाबाट आइरहेको लु ५७ प ५८०३ नम्बरको मोटरसाइकल ठोक्किँदा गम्भिर घाइते भएका ज्ञवालीको उपचारका क्रममा लुम्बिनी प्रादेशिक अस्पताल बुटवलमा मृत्यु भएको वडा प्रहरी कार्यालय प्रमुख कपिल शाहीले जानकारी दिनुभयो ।
जिप र जिप चालकलाई प्रहरीले नियन्त्रणमा लिएर थप अनुसन्धान गरिरहेको छ ।
प्रतिक्रिया दिनुहोस्