रूपन्देही, सुनसरी र धनुषामा चारजना मृत फेला
२८ भदौ, काठमाडौं । रूपन्देही, सुनसरी र धनुषामा चारजना मृत अवस्थामा फेला परेका छन् ।
रूपन्देही, तिलोत्तमा नगरपालिका–१५ सखुवानी गाउँ बस्ने ४२ वर्षीय जग्दिस चौधरी आफ्नै घरमा सुतेकै ठाउँमा मृत अवस्थामा फेला परेका छन् ।
यसैगरी रूपन्देही, मर्चवार गाउँपालिका–२ अमुवास्थित टिनको छानो भएको टहरा मुनि हाल वतन नखुलेकी जसोधरा बानिया भनिने करिब ४० वर्षीया महिला मृत अवस्थामा फेला परेकी छन् ।
सुनसरी, रामधुनी नगरपालिका–५ डग्राही पोखरीस्थित धान खेतमा हाल नाम, थर, वतन नखुलेका पुरूष मृत अवस्थामा फेला परेका छन् ।
धनुषा, शहिदनगर नगरपालिका–३ यदुकुवास्थित बाँसको झ्याङमा सोही ठाउँ बस्ने ३० वर्षीया बवितिया देवी दास मृत अवस्थामा फेला परेकी छन् ।
प्रतिक्रिया दिनुहोस्