थप ५३ जनामा कोरोना संक्रमण पुष्टि, ३३३ सक्रिय संक्रमित
१९असार , काठमाडौं । नेपालमा आइतबार थप ५३ जनामा कोरोना संक्रमण पुष्टि भएको छ ।
देशभर गरिएको १ हजार १ सय ६२ नमूनाको पीसीआर र ९ सय ५८ नमूनाको एन्टीजेन विधिबाट परीक्षण भएको थियो।
जसमध्ये पीसीआरबाट ३९ जना र एन्टीजेनबाट १४ जनामा कोरोना संक्रमण पुष्टि भएको हो ।
कोरोनाका कारण आइतबार कसैको मृत्यु नभएको स्वास्थ्य मन्त्रालयले जनाएको छ ।
त्यस्तै, थप २० संक्रमित निको हुँदा हालसम्म नेपालमा ९ लाख ६७ हजार ५ सय १६ जना निको भएका छन् ।
हाल नेपालमा ३ सय ३३ सक्रिय संक्रमित रहेको मन्त्रालयले जनाएको छ ।
प्रतिक्रिया दिनुहोस्