उर्लाबारी नगरपालिकाले वडा नं.–६ मा आधारभुत स्वास्थ्य केन्द्रको भवनको आज शिलान्यास गरीएको छ । नगर प्रमुख खड्ग फागोले उक्त भवनको शिलान्यास गर्दै निर्धारित समयवधीमा मापदण्ड अनुसार निर्माण गर्न निर्देशन दिदै सवै नगरबासीलाई वडा वडामा स्वास्थ्य सेवाको पुहच पुर्याउने प्रतिवद्धता जनाएका छन ।  

वडाध्यक्ष चिन्तामणी पौड्ेलको अध्यक्षतामा भएको उक्त कार्यक्रममा उपप्रमुख लक्ष्मीदेवी भण्डारी सहितले वडाबासीको स्वास्थ्य सुरक्षाका बिषयमा नगरपालिका चिन्तीत रहेकोले वडा नं. –६ बाट निर्माण शुरु गरीएको बताएकी छन ।  चालु आर्थीक बर्षको असार मसान्त सम्ममा ४२ लाख मुल्यको लागतमा निर्माणको ठेक्का पाएको मिक्लु कन्ट्रक्शन प्रालिका सल्लाहकार नेत्रप्रसाद घिमिरेले समयवधीमा निर्माण पुरा गर्ने प्रतिवद्धता जनाएका छन । नगरमा सवै वडामा आधारमुत स्वास्थ्य केन्द्र संचालन  भएतापनि भवनको शिलान्यास पहिलो भएको वडा ६ नं. भएको वडाध्यक्ष चिन्तामणी पौड्ेलले बताएका छन ।