कागेश्वरी मनोहरा नगरपालिकामा तिब्र रुपमा सडक बाटो निर्माण कार्य भैरहको छ ।
नगर प्रमुख कृष्णहरि थापा आफै सडक बाटो निर्माण कार्यको अनुगमनमा गई नगरबासीहरुलाई विकास निर्माणमा लाग्न हौसला प्रदान गरिरहनुभएको छ ।

कागेश्वरी मनोहरा नगरपालिकाको वडा नं. ३ मा सडक बाटो कालो पत्रे गरिएको छ ।
भद्रबास स्थित वडा नं.३ मा रहेको श्री आदर्श माध्यमिक विद्यालय देखी सरस्वती मन्दिर हुँदै त्रिवेणी चोक सम्मको सडक बाटो कालो पत्रे गरिएको छ ।नगर प्रमुख कृष्णहरि थापाले सो सडक बाटोको अनुगमन गर्नुभएको छ । अनुगमनमा नगर प्रमुख थापा संगै वडा नं.३ का वडा अध्यक्ष राममणी पुडासैनी लगायत जनप्रतिनिधिहरु र प्राविधिक कर्मचारीहरु पनी जानुभएको थियो ।
नगर प्रमुख थापा कागेश्वरी मनोहरा नगरपालिकाको समग्र विकास र समृद्धिका लागि अहोरात्र सक्रिय भएर लागिपर्नुभएको छ
नगरपालिकाले पूर्वाधार विकास, सामाजिक विकास, आर्थिक विकास, रोजगारी सिर्जना, लक्षित बर्गका कार्यक्रमको प्रभावकारी, कोभिडको रोकथाम, नियन्त्रण र व्यवस्थापन लगायत सेवा प्रवाहका कामहरुलाई प्राथमिकता दिएर कार्य गरिरहेको नगर प्रमुख थापाले बताउनुभएको छ ।