सुर्यबिनायकमा मोटरसाइकल र ट्रिपर ठोक्किँदा दुई जनाको मृत्यु
९ असार, भक्तपुर । सुर्यबिनायक नगरपालिका–८ आर्दशचोक नजिकै बिहीबार बिहान सवा २ बजे मोटरसाइकल र ट्रिपर आपसमा ठोक्किँदा दुई जनाको मृत्यु भएको छ ।
सुर्यविनायकबाट जगाती तर्फ जाँदै गरेको बा ८९ प ७८७६ नम्बरको मोटरसाइकल र विपरीत दिशाबाट आउँदै गरेको बा ४ ख ५२९८ नम्बरको ट्रिपर आपसमा ठोक्किँदा मोटरसाइलमा सवार दुई जना पुरुषको मृत्यु भएको हो ।
अन्दाजी २० वर्षका जस्ता देखिने दुवै घाइतेको उपचारको क्रममा भक्तपुर अस्पतालमा मृत्यु भएको हो । मृतक दुवैको सनाखत हुन बाँकी रहेको प्रहरीले जनाएको छ ।
ट्रिपर र ट्रिपर चालकलाई प्रहरी वृत्त जगातीले नियन्त्रणमा लिएको छ ।
प्रतिक्रिया दिनुहोस्