५ जेठ, काठमाडौं । चन्दागिरी नगरपालिकाको मेयरमा घनश्याम गिरी विजयी भएका छन् । नेपाली काँग्रेसको तर्फबाट उम्मेदवार बनेका गिरी १५ हजार ४ सय ७५ मतका साथ विजयी भएका हुन् ।

उनका निकटतम प्रतिद्वन्द्वी एमालेका उत्तम बहादुर राउतले १४ हजार ६ सय ५१ मत प्राप्त गरेका छन् । २०७४ को स्थानिय निर्वाचनमा पनि गिरी चन्दागिरीको मेयरमै निर्वाचित भएका थिए ।

त्यस्तै उपमेयरमा भने वसन्ती श्रेष्ठ विजयी भएकी छन् । एमालेको तर्फबाट उम्मेदवार भएकी श्रेष्ठले  १४ हजार २ सय ३४ मतका साथ विजयी भएकी हुन् ।

उनका निकटतम प्रतिद्वन्द्वी राष्ट्रिय जनमोर्चाका रोसन दानीले ४ हजार १ सय ९१ मत प्राप्त गरेका छन् ।