पाँचथरको यासोक बजारको भीषण आगलागी नियन्त्रणमा
२९ माघ, पाँचथर । पाँचथरको कुम्मायक गाउँपालिकाको यासोक बजारमा भएको भीषण आगलागी नियन्त्रणमा आएको छ ।
स्थानीय झरेन्द्र खतिवडाको घरबाट सुरु भएको आगलागी करिब एक घण्टापछि नियन्त्रणमा आएको जिल्ला प्रहरी कार्यालय पाँचथरले जनाएको छ ।
प्रहरीका अनुसार खतिवडाको घरसँगै अन्य दुई घरमा आगलागी भएको बताइएको छ । तर, तत्काल आगो नियन्त्रणमा लिन सफल भएकोले बजारमा क्षति हुनबाट बचेको छ ।
आगो नियन्त्रणका लागि सदरमुकाम फिदिमबाट दमकल पठाइएको थियो ।
प्रतिक्रिया दिनुहोस्