छिमेकीको हत्या गर्ने एक जना पक्राउ
२६ माघ, सिन्धुपाल्चोक । छिमेकीको हत्या गर्ने एक जना पक्राउ परेका छन्। पक्राउ पर्नेमा मेलम्ची नगरपालिका–१० साधखोला सिन्धुपाल्चोककी ६० वर्षीया मिन कुमारी खड्काको हत्या गरेको अभियोगमा ईन्द्रावती गाउँपालिका–४ टाँकुरे तामाङटोल बस्ने ३२ वर्षीय कुमार तामाङ रहेका छन्।
मिन कुमारी र छिमेकी महिला सोही ठाउँ खहरे बगुवा दोभानस्थित सिचाईकुलो खोधखोला सार्वजनिक जंगलमा घाँस काट्न गएको अवस्थामा कुमारले दुवै महिलालाई गालीगलौँच गरेका थिए।
मिन कुमारीले किन मुख छाडेको भन्दा कुमारले एक्कासी लाठी र ढुङ्गाले टाउकोमा प्रहार गरेपछि उनको घटनास्थलमै मृत्यु भएको थियो।
ईलाका प्रहरी कार्यालय मेलम्चीबाट खटिएको प्रहरीले उनलाई नियन्त्रणमा लिएर थप अनुसन्धान गरिरहेको प्रहरीले जनाएको छ।
प्रतिक्रिया दिनुहोस्