दक्षिण अफ्रिकामा २४ गैँडा मृत फेला
२ पुस, केप टाउन । दक्षिण अफ्रिकामा कम्तीमा २४ गैँडाको मारिएको अवस्थामा फेला परेका छन्। करिब २ हप्तामा सो संख्यामा गैँडा मारिएको अवस्थामा फेला परेका हुन्।
त्यहाँको वातावरण मन्त्रालयका अनुसार सातवटा गैँडा क्रुगर नेसनल पार्कमा, अन्य सातवटा पुमालाङ्गा प्रान्तमा र ६ वटा क्वाजुलु नताल र चारवटा गैँडा पश्चिम केपमा मृत अवस्थामा फेला परेका छन्।
खागको लागि तस्करहरुले गैँडाको हत्या गरेको मन्त्रालयले जनाएको छ। तस्करहरुले निरन्तर गैँडा मार्दा गैँडाको संख्यामा ह्रास आएको बताइएको छ।
क्रिब ८० प्रतिशत गैडाको वासस्थान मानिने दक्षिण अफ्रिकामा हाःऽ ३० हजार गैँडामात्र बाँकी रहेको बताइएको छ।
प्रतिक्रिया दिनुहोस्