सलाहले बनाए प्रिमियर लिगमा कीर्तिमान
आइतबार, काठमाडौँ । लिभरपुलले इंग्लिस प्रिमियर लिग फुटबलको नयाँ सिजनमा विजयी शुरूवात गरेको छ ।
शनिबार राति भएको खेलमा नर्विच सिटीलाई ३-० गोलले हराउँदै लिभरपुलले सुखद शुरूवात गरेको हो ।
नर्विचको मैदानमा भएको खेलमा लिभरपुललाई जित दिलाउन डिएगो जोटा, रोबर्टो फिर्मिन्हो र मोहमद सलाहले एक एक गोल गरे ।
नर्विचविरुद्ध गोल गरेसँगै सलाहले प्रिमियर लिगमा कीर्तिमान बनाएका छन् । सलाहले लगातार पाँच सिजनको पहिलो खेलमा गोल गर्ने खेलाडीको कीर्तिमान बनाएका हुन् ।
प्रतिक्रिया दिनुहोस्