माओवादी केन्द्र प्रदेश २ सरकारमा सहभागी हुँदै
जनकपुरधाम । नेकपा (माओवादी केन्द्र) प्रदेश नम्बर २ सरकारमा सहभागी हुने भएको छ । एक मन्त्री र एक राज्यमन्त्रीसहित माओवादी केन्द्र शनिबार प्रदेश सरकारमा सहभागी हुँदै छ ।
जनता समाजवादी पार्टी (जसपा)बाट मन्त्री बनेका आन्तरिक मामिला तथा सञ्चार मन्त्री ज्ञानेन्द्र कुमार यादव र राज्यमन्त्री सरोजसिंह कुशवाहले राजीनामा दिएका छन् ।
नेकपा (माओवादी केन्द्र)लाई सरकारमा सहभागी गराउन सत्तारुढ जसपाका अध्यक्ष उपेन्द्र यादवले दुवैजनालाई राजीनामा गर्न लगाएका हुन् ।
खाली भएको मन्त्रालय माओवादी केन्द्रले पाउने भएका छन् ।
प्रतिक्रिया दिनुहोस्