काठमाडौं । अनलाइन परीक्षाको उत्तरपुस्तिका तोकिएको समय अवधिभित्रै बुझाउन प्रदेश परीक्षा व्यवस्थापन कार्यालय विराटनगरले सूचित गरेको छ ।

तोकिएको समय अवधिभन्दा बाहेकको उत्तरपुस्तिकालाई मान्यता नदिने परीक्षा व्यवस्थापन कार्यालयले जानकारी गराएको छ ।

अनलाइन परीक्षाको नाममा प्रश्नपत्र घरमा लगेर समाधान सारेर बुझाउने गरेको पाइएपछि तोकिएको समय अवधिभित्र प्रश्नपत्र उपलब्ध गराई तोकिएकै समय-तीन घन्टा भित्र बुझाएको उत्तरपुस्तिकालाई मात्र मान्यता दिने सूचनामा उल्लेख गरिएको छ । अन्यथा भएमा पुनःपरीक्षा लिनुपर्नेछ ।