ह्युम पाइपमा वेपत्ता भएका पुरुषको मृत्यु
चितवन । चितवनमा माछा मार्न ह्युम पाइपमा छिरेर वेपत्ता भएका पुरुषको मृत्यु भएको छ ।
आज (आइतबार) बिहान ९:३० बजे भरतपुर ३ बाह्रघरेस्थित सडकको नालाबाट नारायणी किनारको ढल निकाशाका लागि जमिन मुनी गाडीएको ह्युम पाइपमा माछा मार्न छिरेका स्थानीय ३५ वर्षीय लालबहादुर श्रेष्ठ वेपत्ता भएका थिए ।
उनको खोजी गर्ने क्रममा आज दिउँसो १२:२५ बजे मृत अवस्थामा फेला परेको जिल्ला प्रहरी कार्यालय चितवनले जानकारी दिएको छ ।
उनको शव ह्युम पाइपबाट निकालिएको छ ।
प्रतिक्रिया दिनुहोस्