चितवन । चितवनमा बाघको आक्रमणमा परि फेरि एक जना घाइते भएका छन् ।

भरतपुर महानगरपालिका वडा नं. १२ का ७० वर्षीय टेक बहादुर अधिकारीलाई एक्कासी बाघले आक्रमण गरेको हो ।

विहिबार दिउसो २ः४५ बजेको समयमा भरतपुर १२ कै रामदेश सामुदायिक वन स्थलमा राइनो तालमा घुम्न गएका अधिकारी माथि बाघले आक्रमण गरेको थियो ।

बाघको आक्रमणबाट शरीरको विभिन्न भागमा नङ्ग्रा तथा दातले कोतरिएको चोट रहेको जिल्ला प्रहरी कार्यालय चितवनले जनाएको छ ।

अधिकारीको जिल्ला सरकारी अस्पताल भरतपुरमा उपचार भईरहेको प्रहरीले जानकारी दिएको छ ।