१२ कात्तिक, काठमाडौं । विचौलियाको काम गरेको आरोपमा पक्राउ परेका इनम सापकोटाले उच्चपदस्थ सरकारी अधिकारीहरुको नाम प्रयोग गरेर खुलेको छ । त्यसक्रममा उनले प्रधानमन्त्री बालेन शाह, प्रधानन्यायाधीश डा. मनोज शर्माको नाम लिएका छन् । उनले सर्वोच्च अदालतका न्यायाधीश हरि फुयाललाई म्यासेज गरेर विचाराधीन मुद्दा प्रभावित पार्न खोजेको खुलेको छ ।

सम्पत्ति शुद्धीकरण अनुसन्धान विभागले पक्राउ परेका सापकोटाको मोबाइल अनुसन्धानका लागि प्रहरी मुख्यालयको डिजिटल फरेन्सिक ल्याबमा पठाएको थियो । ल्याबले विभागलाई पठाएका विवरणहरुमा विभिन्न संवैधानिक निकायका पदाधिकारीहरुको नाममा रकम डिपोजिट गर्न गरेको आग्रहदेखि न्यायाधीशसँग गरेको संवादको विवरण समावेश छ ।