राप्ती राजमार्ग : पहिराले दाङ–सल्यान सडक अवरुद्ध
समाचार सारांश
- अविरल वर्षापछि दाङ-सल्यान सडकखण्डमा पहिरो जाँदा यातायात अवरुद्ध भएको छ।
- कपुरकोट गाउँपालिका-३ मा पहिरो गएका कारण सडक पूर्ण रूपमा बन्द भएको छ ।
- सडक खुलाउन प्रयास भइरहेको छ र यात्रुहरूलाई वैकल्पिक मार्ग प्रयोग गर्न आग्रह गरिएको छ।
दाङ । अविरल वर्षापछि खसेको पहिरोका कारण राप्ती राजमार्गअन्तर्गत दाङ–सल्यान सडकखण्ड अवरुद्ध भएको छ । दाङ–सल्यानको सिमाना नजिकै पहिरोले आज बिहानैदेखि सडक पूर्ण रूपमा अवरुद्ध भएको कपुरकोट प्रहरी चौकीका प्रमुख टङ्केश्वर भट्टराई जानकारी दिए ।
लगातारको वर्षाका कारण कपुरकोट गाउँपालिका–३ स्थित सडकखण्डमा पहिरोले सवारी आवागमन रोकिएका हुन् ।
सडक खुलाउने प्रयास भइरहेको उनले जानकारी दिए । यात्रीलाई वैकल्पिक मार्ग वा आवश्यक सतर्कता अपनाउन आग्रह गरिएको छ ।
प्रतिक्रिया दिनुहोस्