योगदान राष्ट्रको लागि संस्थाले गरेको कामको प्रचारप्रसार गर्न संस्थाले काठमाडौंस्थित फ्रन्टलाइन भेन्चर प्रा.लि.द्धारा संचालित मुनलाइट टेलिभिजनसंग सहकार्य गर्ने भएको छ।
संस्थाका अध्यक्ष ओम प्रसाद उप्रेतीको अध्यक्षतामा बुधबार बसेको कार्यसमितिको बैठकले योगदान राष्ट्रको लागि संस्थाले गरेको कामको प्रचारप्रसार तथा सन्जाल विस्तार गर्न संस्थाले काठमाडौंस्थित फ्रन्टलाइन भेन्चर प्रा.लि.द्धारा संचालित मुनलाइट टेलिभिजनसंग सहकार्य गर्ने निर्णय गरेको हो ।

संस्थाको प्रचारप्रसारका लागि सबै पदाधिकारीहरुले आ आफ्नो तर्फबाट सहयोग गर्ने निर्णय पनि गरेको छ। बुधबार योगदान राष्ट्रको लागि संस्थाको केन्द्रीय कार्यालय चावहिलमा संस्थाका अध्यक्ष ओम प्रसाद उप्रेती र फ्रन्टलाइन भेन्चर प्रा.लि का अध्यक्ष इन्द्र रिजालले सम्झौता पत्रमा हस्ताक्षर गरेका छन्।

योगदान राष्ट्रको लागि संस्थाले अन्तर्राष्ट्रिय स्तरको बिपद् व्यवस्थापन सम्बन्धि तालिम,प्राथमिक उपचार सम्बन्धि तालिम ,एम्बुलेन्स सेवा संञ्चालन ,सरसफाइ र रक्तदान सम्बन्धि कार्य गरी परिवार ,समाज,र राष्ट्रको लागि योगदान दिई मानव जीवन सार्थक तुल्याईरहेको छ।