News Summary

Generated by OK AI. Editorially reviewed.

• आंशिक प्राध्यापक संघले ६ सुत्रीय माग राख्दै त्रिभुवन विश्वविद्यालयको उपकुलपति, रेक्टर, रजिस्ट्रार र सेवा आयोगमा ताला लगाएको छ।
• संघले \’फास्ट ट्र्याक\’ नामक विज्ञापन तत्काल खारेज गर्न र सबैलाई प्रतिस्पर्धाको अवसर दिन माग गरेको छ।
• उनीहरुले सीमित सिट संख्यामा गरिएको विज्ञापन रोक्न र नियम अनुसार ५ हजार २ सय ३ पदमा नयाँ विज्ञापन गर्न आग्रह गरेका छन्।

३१ जेठ, काठमाडौं । त्रिभुवन विश्वविद्यालयका आंशिक प्राध्यापकले उपकुलपति, रेक्टर, रजिस्ट्रार र सेवा आयोगमा ताला लगाएका छन् ।

आंशिक प्राध्यापक संघका अध्यक्ष गोकुल लिम्बूले ६ सुत्रीय माग राखेर ताला लगाइएको बताए ।

त्रिविले अनुसन्धानत्मक विशिष्टको आधारमा (फास्ट ट्र्याक) १०० जना शिक्षकको विज्ञापन खुलाएको विरोधमा आंशिक प्राध्यापक संघले ताला लगाएको हो ।

‘फास्ट ट्र्याकको नाममा लिखित परिक्षा बिना नै अन्तर्वार्ताको आधारमा उप-प्राध्यापक बनाउने नियतका साथ हुन गइरहेको विज्ञापन तत्काल खारेज गरि सबैलाई प्रतिस्पर्धा गर्न पाउने संवैधानिक हक सुनिश्चित गर्न भनेका हौँ,’ अध्यक्ष लिम्बुले भने ।

त्रिभुवन विश्वविद्यालयले सीमित सिट संख्यामा गर्न लागेको विज्ञापन तत्काल रोकेर नियम अनुसार रिक्त रहेको सम्पूर्ण दरवन्दी आउने ६ महिना भित्र सेवा निवृत्त हुने शिक्षकहरुको समेत गरी ५ हजार २ सय ३ को पटकमा तत्काल विज्ञापन गर्नुपर्ने माग आंशिक प्राध्यापकको छ ।

आंशिक प्राध्यापक संघले शुक्रबार ताला लगाएको हो ।

तालाबन्दी त्रिवि