फ्रन्टलाइन कोभिड । नेपालमा पछिल्लो २४ घण्टामा ६ हजार ९३९ जनामा कोरोना भाइरस संक्रमण पुष्टि हुँदा ७ हजार २२६ जना संक्रमणमुक्त भएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा २० हजार ९९२ नमुनाको पीसीआर तथा एन्टिजेन परीक्षण गरिएको छ । नयाँ अद्यावधिक विवरण सहित अहिले देशभर १ लाख १६ हजार ४७६ जना सक्रिय संक्रमित रहेका छन् ।

हालसम्म देशभर ५ लाख ४२ हजार २५६ जनामा कोरोना संक्रमण पुष्टि हुँदा ४ लाख १८ हजार ८२९ जना संक्रमणमुक्त भएका छन् । आज थप १०६ जनाको कोरोना संक्रमणबाट मृत्यु भएको छ । यो सँगै नेपालमा कोरोना संक्रमणबाट मृत्यु हुनेको संख्या ६ हजार ९५१ पुगेको छ ।