२२ कात्तिक, काठमाण्डु । पछिल्लो २४ घण्टामा नेपालमा थप ३ सय ९० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार देशभर गरिएको २ हजार ६ सय ६ पिसिआर परिक्षणबाट ३ सय ७१ र २ हजार ४ सय २० एन्टीजेन परिक्षणबाट १९ जनामा कोरोना पुष्टि भएको हो ।

योसंगै नेपालमा कोरोना संक्रमितको संख्या ९ लाख ९ हजार ७ सय ६५ पुगेको छ । आज थप ४ सय २५ संक्रमित निको भएका छन् । योँसगै नेपालमा हालसम्म ७ लाख ९५ हजार ८ सय २२ जना संक्रमित निको भएका छन् ।

हाल नेपालमा ७ हजार ६ सय ५४ सक्रिय संक्रमित आइशोलेशन र १ सय ११ जना क्वारेन्टाइनमा रहेका छन् । त्यस्तै आज कोरोना भाइरस संक्रमणका कारण थप ५ जनाको मृत्यु भएको छ ।

योसँगै हालसम्म नेपालमा ११ हजार ४ सय ५३ जनाको कोरानाका कारण मृत्यु भएको मन्त्रालयले जनाएको छ ।