सप्तरीबाट ४ सय किलो गाँजा बरामद
समाचार सारांश
- सप्तरीको महादेवाबाट प्रहरीले करिब ४ सय किलो गाँजा बरामद गरेको छ।
- सशस्त्र प्रहरी र नेपाल प्रहरीको संयुक्त टोलीले डाक्नेश्वरी नगरपालिकाबाट गाँजा बरामद गरेको हो।
- बेवारिसे अवस्थामा झाडीमा लुकाएर राखेको १७ वटा पोकाबाट ३ सय ९७ केजी गाँजा बरामद गरिएको छ।
काठमाडौँ । प्रहरीले सप्तरीको महादेवाबाट करिब ४ सय किलो गाँजा बरामद गरेको छ । सशस्त्र प्रहरी बलको प्रस्तावित सीमा सुरक्षा गुल्म पातोबाट खटिएको टोली र नेपाल प्रहरीको संयुक्त टोलीले डाक्नेश्वरी नगरपालिका–५ महादेवाबाट गाँजा बरामद गरेको हो ।
बेवारिसे अवस्थामा झाडीमा लुकाएर राखेको अवस्थामा गाँजा बरामद गरिएको सशस्त्र प्रहरी बलका सहप्रवक्ता शैलेन्द्र थापाले रातोपाटीलाई बताए ।
१७ वटा पोकामा लुकाएर राखेको अवस्थामा सुरक्षाकर्मीले ३ सय ९७ केजी गाँजा बरामद गरेका छन् ।
प्रतिक्रिया दिनुहोस्