सदन खुल्छ, रास्वपा आफ्नै ढंगले जान्छ : प्रचण्ड
News Summary
Generated by OK AI. Editorially reviewed.
- नेकपा माओवादी केन्द्रका अध्यक्ष पुष्पकमल दाहाल प्रचण्डले रास्वपा अडानका कारण सत्तारुढ दलसँग सहमति नभएको बताए।
- प्रचण्डले रास्वपा र आफूहरू फरक ढंगबाट अघि बढ्ने र विमत्ति नभएको बताए।
- संसद् आजबाट खुल्ने र कांग्रेस, एमाले, माओवादीबीच दुई बुँदे सहमति भएको छ, र रास्वपा एक्लै सदनमा भिड्ने बताएको छ।
३० जेठ, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले रास्वपाका केही अडानका कारणले सत्तारुढ दलहरूसँग भएको सहमतिमा सहभागी नभएको बताएका छन् ।
संघीय संसद् भवन परिसरमा सञ्चारकर्मीसँग कुराकानी गर्दै प्रचण्डले रास्वपा र आफूहरू फरक फरक ढंगबाट अघि बढ्ने बताए ।
‘मुलभूत रुपमा हाम्रो केही छैन । उहाँहरूको केही अडानका कारण सायद केही दिन उहाँहरू आफ्नो तरिकाले जानुहुन्छ,’ प्रचण्डले भने ।
तर, रास्वपासँग आफूहरूको विमत्ति नभएको उनले बताए । ‘तर, हाम्रो बीचमा विमत्ति र आरोपप्रत्यारोप हुँदैन,’ उनले भने ।
आजबाट संसद् खुल्ने प्रचण्डले बताए । कांग्रेस, एमाले र माओवादीबीच दुई बुँदे सहमति भएको छ । केहीबेरमा हस्ताक्षर हुँदैछ ।
तर, रास्वपाले भने आफूहरू एक्लै सदनमा भिड्ने बताएको छ ।
प्रतिक्रिया दिनुहोस्