फ्रन्टलाइन खेल । घरेलु टिम जिम्बावेविरुद्धको दोस्रो टेस्टको पहिलो इनिङ्समा पाकिस्तानले बलियो सुरुवात गरेको छ । हरारेमा शुक्रबार पहिले ब्याटिङ गरेको पाकिस्तानले पहिलो दिनको खेल सकिदा ४ विकेट गुमाएर २ सय ६८ रन बनाएको छ ।

अजहर अली र अबिद अलीले शतकीय इनिङ्स खेलेपछि पाकिस्तान बलियो स्थितिमा पुगेको हो ।अजहरले १ सय २६ रन बनाए । अबिद भने १ सय १८ रन बनाएर अविजित रहेका छन् । पाकिस्तानका अन्य ब्याट्सम्यानले दोहोरो अंक जोड्न सकेनन् । जिम्बावेका ब्लेसिङ मुजाराबानीले ३ विकेट लिए । दुई खेलको सिरिजमा पाकिस्तान १–० ले अघि रहेको छ । पहिलो टेस्टमा पाकिस्तानले एक इनिङ्स १ सय १६ रनको जित निकालेको थियो ।