राजस्थान रायेल्सले इन्डियन प्रिमियर लिग (आईपीएल) क्रिकेट अन्तर्गत दोस्रो क्वालिफायरमा स्थान सुरक्षित गरेको छ। बुधवार भएको एलिमिनेटरमा रोयल च्यालेन्जर्स बैङ्गलोरलाई ४ विकेटले हराउँदै राजस्थानले दोस्रो क्वालिफायरमा स्थान सुरक्षित गरेको हो।

अहमदावादस्थित नरेन्द्र मोदी स्टेडियममा भएको खेलमा फाफ डु प्लेसिसको कप्तानीमा रहेको बैङ्गलोरले टस हारेर पहिला ब्याटिङ्ग गर्दै निर्धारित ओभरमा ८ विकेट गुमाएर १७२ रन बनायो।

१७३ रनको लक्ष्यसहित मैदान उत्रेको राजस्थानले निर्धारित ओभरको एक ओभर बाँकी छँदै ६ विकेट गुमाएर जित हात पार्यो। जितसँगै राजस्थानले दोस्रो क्वालिफायरमा सनराइजर्स हैदरावादसँगको खेल पनि सुनिश्चित गरेको छ। यता पराजित बैङ्गलोरको आईपीएल यात्रा भने टुङ्गिएको छ।

अब शुक्रवार दोस्रो क्वालिफायरमा हैदरावाद र राजस्थानले प्रतिस्पर्धा गर्नेछन्। दोस्रो क्वालिफायरको विजेता टोलीले फाइनलमा कोलकोत्ता नाइट राइडर्ससँग आइतवार उपाधिका लागि प्रतिस्पर्धा गर्नेछ।