दुई लाख घुस सहित कम्युटर अपरेटर राम लखन अख्तियारको नियन्त्रणमा
काठमाडौँ । अख्तियार दुरुपयोग अनुसन्धान आयोगले नवलपरासी जिल्ला अदालत परासीमा कार्यरत कम्युटर अपरेटर राम लखन बनियालाई नियन्त्रणमा लिएको छ ।
लागूऔषध मुद्दामा कारगारमा रहेका सेवाग्राहीसँग छुुटाई दिन सहजीकरण गर्ने भन्दै घुस लिएको आरोपमा बुधबार अख्तियारको टोलीले उनलाई नियन्त्रणमा लिएको हो ।
नवलपरासी (बर्दाघाट सुस्ता पश्चिम) पाल्हीनन्दन गाउँपालिका वडा नम्बर ३ बेलासपुरबाट घुस लिइसकेको अवस्थामा बनियालाई नियन्त्रणमा लिइएको अख्तियार दुरुपयोग अनुसन्धान आयोगका प्रवक्ता राजेन्द्र कुमार पौडेलले बताए । उनीमाथि थप अनुसन्धान भइरहेको उनले बताए ।
#रामलखनअख्तियार #दुरुपयाेग अनुसन्धान आयाेग
प्रतिक्रिया दिनुहोस्